Por fin alguén se animou a subir imaxes do ben que o pasaron na Festa. Tomade nota, e mandadenos máaaaaais!!!!
Que tal foi todo?
Xul 27
Hoxe, coa resaca da festa xa medio pasada, chegou a hora de opinar de que vos pareceu a festa en xeral, que tal o pasástedes onte…
Esperamos os vosos comentarios!! Se queredes publicar as vosas fotografías do Carneiro non tedes máis que envialas a ideas@ideas-frescas.es
Chegou o gran día!! Domingo do Carneiro!
Isto é o que vos agarda…
07:00 Horas. LUME DE CARBALLO
Prendido do lume para o asado dos Carneiros ó Espeto.
De 10:00 a 14:00 Horas. Pasarrúas e concerto a cargo da BANDA DE MÚSICA NOVA LIRA DE MORAÑA E A AGRUPACIÓN DE BAILE TRADICIONAL E GRUPO DE PANDEIRETEIRAS SEIXEBRA de Moraña (subvencionados pola Excma. Deputación Provincial de Pontevedra).
Animación de rúa a cargo da Charanga O´SANTIAGUIÑO
14:00 Horas. SORTEO DE LOTES
14:30 Horas. EXTRAORDINARIO XANTAR DO CARNEIRO Ó ESPETO
E sobremesa amenizada por Tom Trovador.
21:00 Horas. GRAN VERBENA “FIN DE FESTAS”
Coas orquestras:
SINTONÍA DE VIGO e LIMÓN
Este sábado…
Xul 25
Este sábado do Carneiro temos:
11:00 Horas. FESTA DA BICICLETA
A Festa da Bicicleta é unha das actividades con máis arraigamento entre os veciños e veciñas do concello e de concellos limítrofes.
A Carballeira de Santa Lucía será o lugar de encontro de todas as persoas, grandes e pequenos/as, que queirades acompañarnos a dar un paseo en bicicleta. Primeiro percorreremos as rúas do núcleo urbano acompañados da Banda de Música Nova Lira de Moraña, para logo continuar visitando varios lugares do noso concello.
Haberá agasallos para todas e todos os que participades, ademais darémoslle un agasallo especial para o ou a participante de maior idade, de menor idade, para a familia máis numerosa e para a bicicleta máis chamativa.
20:00 Horas. XUNTANZA DE BANDAS DE MÚSICA
A Banda de Música Nova Lira de Moraña deleitaranos no patio traseiro da Casa de Cultura cun concerto en conxunto coas Bandas de Música de Caldas de Reis, Barro e Unión de Lantaño.
18:30 Horas. FÚTBOL
No Campo de Fútbol de Mirallos, terá lugar o xa tradicional encontro amistoso entre dous equipos por determinar.
23:00 Horas. VERBENA NA CARBALLEIRA DE SANTA LUCÍA
Coa actuación das orquestras:
ALKAR e ORQUESTRA SON TELEVISIÓN
QUE O DESFRUTEDES!!
Comeza a fin de semana máis esperada por todos os morañeses… a fin de semana do Carneiro!!! Este venres, estas serán as actividades:
• Ás 10:00 comezará o IX torneo de Basket 3×3 no Pavillón dos Deportes. Contaremos coa participación de xogadores das distintas ligas profesionais españolas, xogadores de Galicia, do resto de España, Portugal e algún americano tamén nos visitará. Ademáis dos partidos, haberá concurso de mates e triplos, concursos para o público, sorteos…
• Ás 23:00 retumbará toda Moraña coa celebración do Carneirock, no que se darán cita ata as tantas todos os amantes deste xénero para gozar das actuacións de Nocheni, The Mirage, Medina Azahara, Tálesien e Minim.
Desfrutade da festa, e sobre todo con moderación! Non me sexades carneiros!!
Unha imaxe vale máis que mil palabras… así que aquí vos quedan unhas imaxes para que vexades que ben o pasaron nestas actividades!!
Xoves: Natación e Circo!
Xul 22
Este xoves ás 12 da mañán terá lugar o tradicional Campionato de Natación na Piscina de Moraña. Podedes participar nas distintas modalidades, animádevos!
Ás 20:00 horas chegará a hora dos máis cativos, que poderán gozar dunha actuación circense con malabares, equilibrios, xogos, globoflexia… na Praza do Concello. Agardámosvos!!
Mércores, Concertazo!
Xul 21
Este mércores día 22, a Agrupación Musical da Escola Municipal de Música deleitaranos un ano máis cun fermoso concerto na Casa da Cultura A.D.R. Castelao. Comezamos ás 21:00 e coa entrada, por suposto, gratuíta.
Un ano máis, na Rúa 7 de Santa Lucia, os cativ@s voltarán a gozar dun día de actividades ao aire libre, en que dous inchables e a festa da espuma serán o atractivo de tod@s os asistentes.
Que vos divirtades!!
Hoxe luns día 20 comeza o Obradoiro de Percusión de Música Africana. Por primeira vez no noso concello terás a oportunidade de coñecer de preto a música africana a través do seu instrumento máis típico o djembé. Esperemos que desfrutedes! TUM TURUM TUM!!!