A historia de Moraña confórmana toda unha serie de feitos legados en forma de lendas e costumes tradicionais que chegaron ata os nosos días, converténdose moitos en feitos de singular importancia na vida deste concello. Manifestacións populares cunhas profundas raíces relixiosas nuns casos ou de antigas celebracións pagás noutras, que se celebran baixo fermosas e singulares carballeiras, que propicia esa sensación de antigüidade e misterio e que son hoxe en día un signo de identidade que dinamiza a vida cultural de Moraña.